捧埋個社區盾，好多人認為車仔今年响英超又會無敵手啦，所以今日佢地作客對升班馬韋根，既早飛風尘咁仆去買客勝，直頭當有得執咁，其實星期日有咁多波，有些少飛既波都好值得注意，譬如聖保羅或者橫濱水手，甚至國際杜古之類。 
 
先講藍戰士對韋根場波先，睇主勝果種升水法同少飛，車路士今場應該锣梗三分甘既，問題係佢地會唔會炒韋根啧嘛。如果由個1.78倍讓球客勝去睇，叫做低得黎合理，車路士有權贏到兩球，之不過個入球大有1.9倍似乎好分左些少，所以不妨向客勝一比○、二比○兩個波膽埋手。 

阿仙奴贏兩球唔難 
 
阿仙奴主場對紐卡素既早飛亦都側埋一邊，基本上全部係追兵工廠，而且以主勝1.38倍又有開讓球主客和既紀錄去睇，讓球主勝得2.05倍係比較熱，雖則紐卡素响高貝利球場呢幾年未試過大敗，不過佢地今季人腳變動比較大，熱身賽除左贏左低幾班既對手，响圖圖杯碰拉科兩場都輸一比二，今場波畀阿仙奴摷兩件唔係乜野奇事。當然啦，講大炒機會高D，點都係飛燕諾對NAC果場，前者近季贏對方坐底二比一，上季仲搞過兩鋪四比○，今場照計贏兩粒好正常。

至於其他冇乜飛既波入面，聖保羅、橫濱水手都應該系實，事關前者既馬會個賠率跌到執唔番咁低；橫濱水手果場其實同另一場日聯杯浦和對清水同格，但係水手個讓球主勝就低水，自然玩得過啦，即使唔博個贏兩球至有錢收既讓球主勝，但係上盤，主W都抵玩啦，總好過買果場九成贏得既國際杜古，事關國際雖然多飛，馬會又好離奇咁样呢D強弱懸殊波都唔開讓球主客和，睇個勢主勝開得。