下周中仍然係國際賽天下，不過，南美賽區卻宣布休戰，巴甲波自然趁機重開，其中近況轉沉既奪標熱門哥連泰斯，將要作客火併老牌勁旅聖保羅，後者仍要搶分護級，肯定唔會放生客軍，即使客軍請來里昂前鋒尼馬助陣，但助力有限，主隊至少坐和望贏。（開賽時間：香港周四凌晨03:00）
哥連泰斯早前係威係勢，一度高踞聯賽榜首，不過，隨著近期氣勢放緩，聯賽連續三場失分，排名經已跌落第四，落水狗再戰聖保羅，就算臨場做平手盤都唔係好掂，要讓波就更加冇得諗。
無疑，該隊日前順利南美球會杯進身十六強，可是，在次回合之戰中，哥連泰斯亦只是在主場與戈亞斯踢成一比一，埋單計數，哥連泰斯連同聯賽更是連續四場不勝，氣勢薄弱確實難予人信心。況且，該隊新加盟的二十一歲借將前鋒尼馬，上季先後為里昂上陣四十一場，只得六個入球，並非甚麼頂級射手，縱然佢會有阿根廷國腳泰維斯波監刑滿復出，亦不宜過信。
聖保羅回勇有買趁手
聖保羅方面，贏完自由杯就似完成了今個球季任務，成績直線下滑，在南美球會杯亦不敵國際體育會出局，然而，大軍近期在聯賽初見復甦，排名十八位，但只係同要降班尾四球隊法林明高同分，明顯要為搶分護級。上仗作客狂炒前列分子帕拉拿四蛋，證明爛船都有三斤釘，加上兩軍近五次對碰，聖保羅共錄得三勝兩和戰績，優勢一面倒，今仗主場作戰，早盤真係有買趁手，要硬主隊。