今日轉一轉口味，揀挪威波「洛辛堡 Vs 奧特格寧蘭」。目前洛辛堡聯賽搞到排尾三，其實每年佢地都例牌出閘脫腳嘎啦，只不過每次都能夠憑後勁追上黎，但今季既然谷極都谷唔起，明知聯賽無望，倒不如將全副精力擺晒响歐聯身上，始終搵真銀先係最緊要嘛。

所以之前洛辛堡打歐聯前既三場聯賽全部輸晒，以咁既條件要捧佢真係要諗過先。而奧特格寧蘭近期表現真係對辦，近五場聯賽直頭全部贏晒，既然主隊大有可能留力歐聯，今場一於揀奧特格寧蘭作客贏波，客勝賠率有3.00倍，值得重點出擊。

同晚挪超榜首大戰「史達 Vs 華拉倫加」，目前史達三分落後對手，要爭冠軍今場就一定要贏。呢班波雖然主場未輸過，但早前兩隊曾經响挪威杯碰過頭，結果史達响加時輸畀對手，睇黎真係有D格食格。而華拉倫加最頭痛既，就係呢場波已經係佢地响最近十一日黎第五場波，體力夠唔夠都係一個疑問。既然兩隊冇高低，最好就博兩隊打和啦，賠率有3.20倍算唔錯��！ 

大頭仔投注策略  
 
主客和過關2X3

洛辛堡 Vs 奧特格寧蘭（客勝）

史達 Vs 華拉倫加（和波）