|
今晚英冠獨腳戲，史篤城主場鬥水晶宮，主隊受讓平半值得捧場。水晶宮上仗輸畀列斯聯，球員表現有心無力，作客難勝；呢排前列分子紛紛失分，今仗水晶宮分分鐘跟大隊；史篤城有三名前線主力復出，主場定必做番齣好戲！（無收費電視P998周二凌晨３時45分直播）
水晶宮上季於英超有好表現，但最後都要降班。本季英冠角逐，高層及球迷自然對球隊有極高期望。領隊杜維亦信心十足，就算雷丁及錫菲聯一早帶出，但一直都話球隊可以搶得次席，到直接升班資格。
孖寶半全膽推介（膽客提供）
水晶宮隨時跟大隊失分
不過，上仗水晶宮主場不敵列斯聯後，杜維首次認輸，話直接升班願望已經破滅，並開始擔心踢唔到升班附加賽，球隊已陷入困境。水晶宮上仗表現曳到極，要到下半場尾段先有威脅埋門，球員狀態跌watt，而且軍心渙散，今仗作客贏唔到。
英冠一向蠱惑多多，本季已相當正路，但據慣例，臨近季尾有份爭升班附加賽席位球隊經常拍住上，一齊贏波，又一齊失分。今輪勁旅不斷失分，水晶宮極可能跟大隊失分收場。史篤城不愁降班，但近十仗主場僅勝三場，係時候打場好波。近期史篤城戰績不濟，同攻力不足有關。不過首席射手森貝高班高拿狀態已漸入佳境，且三位拍檔薛迪比、漢尼斯施古臣同史維利都已傷愈候命，史篤城攻力轉猛，今仗未必捱打。馬會賠率主Ｗ低開2.65倍，比全球平均價位2.86倍低，史篤城受讓平半，唔好錯過！
|
