今晚有場德乙賽事1860慕尼黑主場對波琴，小峰對客軍波琴投以信心一票，因為主隊自踏入去年十二月如食瀉藥，聯賽已有十場不勝，而且有條固定攤路，計數今晚輸得。馬會今場開出平手盤，一於捧「一哥」波琴。（周二凌晨３時15分開賽）
1860近十場聯賽單跳表
馬會降賠率睇好波琴
未計周日晚成績，波琴目前於德乙排第一，比少踢一場亞琛多一分，來季大有機會升回德甲。身為降班球隊，波琴實力明顯比其他對手超卓，防守力更屬德乙之最，平均每場失球數字低於一球。近三場作客聯賽兩勝一和一球不失，演出極為穩定。今場對手暮氣沉沉，正好趁機搶分，馬會開出客勝賠率為2.35倍，比起其他地區賠率為低，明顯看好客軍。
1860慕尼黑聯賽十場不勝五和五負，而且和、負單跳，上場剛賽和，照攤路今場會落敗。事實上，球隊踏入去年十二月便無故轉沉，一眾球員信心全失，攻守俱弱難反彈。球會最近雖曾「拉大隊」往意大利作短期習訓，希望以此催谷球員狀態，但相信難在短時間內變身。
波琴在近四次對賽三度擊敗對手，往績上已經明顯佔優，加上對手態況低沉，今場「一哥」誓不留手，平手盤客勝可取。 