放完四日復活節假,但歐聯四強首回合大戰就今明先上演,今晚AC米蘭主場鬥巴塞隆拿,巴塞為備戰,近兩仗刻意收起朗拿甸奴,擺明留晒力,平手盤一於吼實客隊。
AC八強踢走里昂,但踢無神無氣,現在賽前傳出不利消息,王牌射手恩沙基發燒養病,今仗安察洛提有可能排4321聖誕樹陣式應戰,但消息指取代恩沙基係老將雷哥斯達,前線剩番卡卡同舒夫真高,似乎唔夠撐。
相反巴塞聯賽放離十一分,近兩仗對住桑坦德以及維拉利爾,都睇唔番巴塞進攻上種搏命Feel,尤其係朗拿甸奴抖足兩場,就知列卡特幾重視今場,話晒巴塞過去十年都未染指過歐聯錦標,首回合出訪意大利,目標係爭取作客入球,當然贏埋仲好啦,以今季巴塞表現,坐和望贏無問題。
大頭仔投注策略
AC米蘭 Vs 巴塞隆拿
主客和:客W
波膽:1:1及1:2
