今日肥仔倫繼續同大家介紹足協盃，呢場波就係莫迪主場迎戰格拉斯哥流浪。格拉斯哥流浪之前幾年都打歐聯，但係今屆只可以打歐協，對佢講可以話「降格」。不過咁，肥仔倫相信佢都一定會全力以赴，因為始終係歐洲賽事，加上都要同班球迷交代，所以歐協盃一樣照殺，今仗雖然作客，但一樣照「頭威」，捧格拉斯哥W！
莫迪呢支挪威球隊相信大家對佢都有認識，而近期佢表現就一般，聯賽亦一直榜末位置徘徊，可以見到實力真係有限。雖然今仗佢主場出擊，但係都唔好對佢有太大期望。睇番今季佢9場主場賽事，只係到4勝，勝出率連一半都冇，所以就算今仗主場，都唔好太過信賴。
客隊格拉斯哥流浪今季表現尚算稱職，暫時仲未輸波，而佢就主場大數福爾柯克4：0，信心大增。前鋒基斯保迪至今已為球隊貢獻5球，相信今仗基斯保迪仍然係取分之匙。好明顯係，格拉斯哥實力明顯比主隊要強得多，呢支蘇超班霸都係歐洲賽事常客，今季佢冇得打歐聯，相信歐協對佢講都算係一份「安慰獎」。