每逢周二凌晨總有一場葡超獨腳戲，今次由布拉加及利亞拿領銜主演。巨高對於佔主場之利布拉加較為樂觀，首個要點係布拉加近況奇佳，第二點係對賽往績上有一定優勢。未開齋利亞拿於作客環境下好難衝擊正值強勢布拉加，巨高深信主隊贏波機會甚高，「讓球主勝」逾兩倍不失投注價值。（周二凌晨3時30分開賽）
布拉加近年已成為葡超第四大勢力，自○三年起未曾脫離積分榜頭五位，實力與其他中下游球隊有一段距離。而近期布拉加表現相當可人，葡超兩場分別挫敗費利拿以及艾維斯，轉戰歐洲足協盃遇到意甲球隊基爾禾亦未驚過，主場以兩球淨勝對手，連勝三場證明今季狀態起得好快，今場大有機會取得四連勝。雖然布拉加上周中進行過歐洲賽，體力問題會成為疑點，不過足協盃對基爾禾以及今場葡超，布拉加都主場迎敵。免除舟車之苦，查實對球隊體力影響唔算太大。
利亞拿作客凶地未威過
利亞拿上季最為突出係作客表現，不過呢項數據就未必可以完全套落今場面。事關單計利亞拿近六次作客布拉加，竟然一場都贏唔到。布拉加走勢咁靚，利亞拿要打破呢項不利數據真係唔易，就連葡超賽事馬會都唔開讓球盤，反而開出「讓球主客和」，可想而知馬會專家早認定主客雙方確有差距存在。
東方波經是日精選
