今晚會進行兩場「北歐歐聯」皇聯盃賽事，其中瑞典哈馬比將會主場迎戰丹麥邦比，主W值得支持。（開賽時間：周五凌晨1:55）
已經踢到第三屆皇聯盃，雖然標榜係北歐最高水平賽事，不過並唔係隊隊波都咁睇重呢項盃賽，就以挪威班霸洛辛堡為例，首屆第二圈分組賽就提早畢業，今屆首場分組賽亦都慘敗收場。
至於丹麥傳統勁旅邦比原來同洛辛堡心態一樣，近兩屆不約而同都首圈分組賽出局，今屆再參與呢個「盛事」，睇怕都未必去盡。
再者呢隊上季丹超亞軍今季已無復當年勇，雖然季初一直保持九仗不敗，但近期卻大幅走樣，近十場聯賽只得一勝，與其爭盃不如留力改善聯賽成績好過，加上佢近期患上嚴重作客病，近五次客途出戰更全部輸波，睇今場雙「比」大戰，都係捧連續十場不敗，狀態大勇「哈仔」好啦﹗
