 |
|
|
|||||||
| | 首页 | 原创 | 前瞻 | 解盘 | 名报 | 推介 | 彩票 | 波经 | 资讯 | 指数 | 比分 | 赛果 | 赛程 | 视频 | 宝贝 | 娱乐 | 文字直播 | |
|
|||||
| 深圳上清飮難打紅魔 | |||||
文章来源：互联网
更新时间：2007-6-26 10:19:30  |
|||||
|
雖然仍未到七月，但期待的心已經有啲按捺不住，紅魔鬼曼聯將在澳門亮相，對於珠三角球迷而言絕對係大件事。 多年前到曼城採訪，曾與紅魔鬼的賽事擦肩而過因此印象深刻：其一，當時一場曼聯對米杜士堡賽事的門票，只不過大半天就被炒升十倍，由十幾英鎊變成百幾英鎊，認眞拿利。 其二，當時一場比賽搞到曼徹斯特全城酒店爆滿，幾乎為此要瞓街。 其三，在奧脫福球場外見到唔少鬼佬球迷隨街屙尿，認眞不雅。好彩在球場商店買條紅魔鬼的圍巾並唔算貴。 曼聯此番澳門之行，如果對球迷而言最唔理想嘅就係對手太弱，選擇深圳上清飮唔知係出於點樣的考慮或原因，兩支球隊實在相差太遠。要知道嚟澳門會曼聯的深圳上清飮已經唔係當年奪中超聯賽冠軍嗰支國內勁旅，更何況係中國勁旅同曼聯都無得打啦！ 睇下深圳上清飮在中超聯賽第一階段的成績就唔使再講嘢：十三輪聯賽上清飮三勝四和六負，淨勝球係負五，僅積十三分排在聯賽積分榜的第十一位，比起墊底球隊只不過多出五分，下半段聯賽深圳仍要為護級而戰。 如此一支球隊挑戰曼聯的結果自然可想而知，多數都會唔見咗個戰字，更令人擔心就算面對太弱的對手曼聯出多啲副選或後備球員，咁呢場賽事就打曬折扣啦。 |
|||||
