今日選擇場次唔多，早場玩完曼聯之後，周二凌晨一點仲有三場北歐波，關爺都有條精選過關畀大家參考，重心係挪超賽事，華拉倫加主場對特林素，特林素聯賽作客經常同對手大手交易，大盤率高達八成六，旺成咁，一於跟紅頂白再追「大」。（周二凌晨1時開賽）
如果大家有跟開北歐波，應該知道挪超一向多波入，大盤率去到六成，冇乜心水時候揀幾場玩大盤，往往都會有斬獲。今晚挪超獨腳戲，關爺繼續支持大盤，理由係特林素作客得失球數字高企，聯賽作客七戰轟入十二球失十六球，兩個數字都相當驚人，當中六場開大盤，開過兩次「其他輸」，呢個戰績硬淨成咁，冇理由唔追大盤！
串特利堡細希爾星堡W
再睇兩場瑞典超，布洛馬波卡納會主場對包尾特利堡，主隊聯賽主場平均入球數不足一球，特利堡聯賽作客七戰只入兩球，兩隊冇攻力水鬥水，邊隊贏波真係好難估，揀個細盤好過。另外，希爾星堡主場對住AIK蘇納，兩隊上周中都踢完足協盃外圍賽，但希爾星堡留主場打，體力消耗較少，加上老將軒歷拿臣夠弗，主Ｗ有得諗！
