歐國盃外圍賽打到今日，係開始埋單計數之時，邊支球隊要搶分爭入決賽周擺晒眼前，球迷揀波好簡單，One Sir都係一樣，今日搵隻公眾熱門畀大家，法國（三）26W係全日最穩，但熱W無肉食，從投資角度，「讓球主勝」及用「半場勝」過關係最佳投資組合。
法國依家B組排第三，落後蘇格蘭及意大利兩分及一分，睇落好似好被動，但實際並唔係，因為蘇格蘭同意大利會於下月中分組賽對碰，肯定其中一隊，甚至兩隊都會失分，法國只要今場對立陶宛及最後一仗對烏克蘭贏晒，就可以奪取歐國盃決賽周入場券。
分析過大形勢，咁就好簡單喇，法國贏波可以話係必須，所以從佢身上搵投資機會，風險會減至最低。
法國熱W只得1.07倍，當然穩陣到極，如果係大戶，用串埋幾隻熱門過關當然好，但如果只係幾百蚊玩，就要動動腦筋，One Sir建議大家單式投資「讓球主勝」，1.9倍賠率不俗。雖然法國要讓兩球，但見幾日前佢作客法羅群島大炒對手六粒，球隊信心返晒，今日主場再出擊，贏立陶宛幾粒唔成問題。
讓兩球或以上多開「半場勝」
另外，One Sir留意到，上周六外圍賽，馬會有七場「讓球主客和」開「讓二球」及「讓三球」，當中六場賽事要讓波球隊半場已經領先，從呢個攤路，One Sir今日亦提供一條六串一畀大家，全部都係「讓球主客和」要讓兩球球隊「半場勝」，值得試試。