|
今晚歐聯賽事形勢混亂，由於歐聯參賽球隊都屬國內頂尖分子，所以水準有番咁上下，當有球隊讓多過一球或以上，上盤避得就避。另外，切忌追捧四大聯賽名牌，車路士之前主場和洛辛堡輸盤，唔少散戶都中招，呢類投注陷阱無處不在，大家要醒目執生。
今日心水係馬賽，主場對住波圖唔使讓波數，平手盤揀番主隊。肥叔一再強調，歐聯最基本兩種玩法係捧主隊同下盤，由於參賽球隊實力接近，所以主場因素非常緊要，馬賽作客能夠擊敗利物浦，證明攻守能力唔曳，班波就算唔係歐洲一線，都肯定屬二線頭，千祈唔好因為聯賽成績低估佢，主場對波圖平手盤抵玩！
賓菲加近年歐聯成績一直唔曳，今屆頭兩場輸晒純屬意外，經過調整之後，返到主場有望反彈。蘇格蘭球隊多屬門口狗，些路迪作客冇晒惡氣，呢場可以秤先主隊。雲達不來梅分組賽兩場輸晒，今次主場對拉素焗攻，壓得上後面自然多空位，意大利球隊擅長打反擊，相信今場有力保持不敗，下盤捧得過。
ＡＣ跌Watt吼薩克達
另外，ＡＣ米蘭今季整體演出跌晒Watt，但礙於名氣關係，班波經常都讓得太辣，盤口同表現完全唔相符，累到唔少散戶損手。今晚ＡＣ主場對薩克達，目前讓到球半，薩克達假假都係小組一哥，呢隊烏克蘭波愈踢愈進步，今場話唔定又帶畀大家驚喜，下盤捧得過。
|
