周中冇歐聯原來仲熱鬧，連同各地聯賽以及盃賽超過五十場。咁多場比賽總有幾場係睇唔通，所以Boomber man今次又出動同大家拆解炸彈。其中一場令人產生疑惑係法國聯賽盃十六強，卡昂主場對里昂。卡昂近期認真唔講得笑，五場不敗兼主場贏晒。不過今場卡昂贏波賠率非常冷落，擺明係莊家對里昂有極充足信心，今場作客一定有心求勝，Boomber man信晒「客勝」。（周四凌晨4時開賽）
卡昂冇飛預輸
里昂季初都炸傷過唔少人，傷亡最慘重係八月中作客以一比二輸畀羅連安特。不過經調整之後，里昂重拾應有王者霸氣，近期又再成為被追捧對象。上次作客兼踢少個都能夠擊敗巴黎聖日耳門，實力有幾勁唔使多講。里昂贏慣大盃，好多人都擔心佢放棄法國聯賽盃。但從偏低「客勝」賠率所見，里昂爭勝鬥志唔低。話晒都係法甲王者，里昂贏波有1.62倍簡直超賠率。
卡昂近況咁好又有主場之利，今場唔應該咁冷落。但要知道卡昂呢類小規模球隊人腳資源唔充足，根本唔可以應付咁多場比賽。尤其係卡昂今季隨時要準備打護級，冇理由畀盃賽拖累聯賽表現，講鬥心仲未必及得上里昂。