上周二放工趕赴紅館睇Eason，三面台，兩百大元位，角度頗曳，於側面以零角度看，惟有睇大電視聽聲。今次他狀態大勇，唱《葡萄成熟時》，高音位去極都有；喪嗌過後，演繹《富士山下》主歌又可極柔，完全收放自如，掂！ 

專心爭天皇盃  
 
男女Dancer除淨內衣辣舞固然吸引，新歌《熱島小夜曲》亦極搶！比起去年Get a Life演唱會，舞跳得更多，歌唱得更好，詞記得更熟，看到他用心享受自己的舞台。

凡事用心，自然可做到更好，鹿島鹿角有心爭天皇盃，主場對日乙魚腩水戶蜀葵可依絲W，主勝冇肉食，改玩大盤，博埋「主其他」！