新一屆英格蘭足總盃又打到，首場開盤賽事係由乙組球隊赫里福特聯主場對列斯聯。足總盃係歷史最悠久盃賽，今年已經係第一百二十七屆，凡係英格蘭足總註冊球隊都有資格參賽。至於賽制方面，雙方於九十分鐘內打和要進行重賽，如果重賽再打和的話則會加時，加時都未分出高低則以互射十二碼決勝負。赫里福特聯實力較差，路西法相信列斯聯可以無驚無險地過關，「客勝」實食冇黐牙。（now 671周六凌晨３時45分直播）
列斯聯英甲可謂超晒班，勝出率以及入球數字都遠勝同級球隊。列斯聯既然唔使再為聯賽而憂心，可以放更多心機落盃賽面。
赫里福特聯差幾班
至於列斯聯領隊韋斯，做球員日子已經多次贏得足總盃。先於八八年協助溫布頓贏得足總盃，及後加盟車路士亦於九七及二千年捧盃。雖然韋斯已經做領隊，但相信對足總盃仍然有憧憬，今場一定全力出擊，向冠軍路途進發。對手赫里福特聯只係英乙球隊，級數比起英甲仲要差，相信列斯聯只要半力出擊已可贏波晉級，「客勝」有1.7倍相當抵玩。