連日都有師兄弟打問Bee基心情有冇好番，妙就妙在我自己都唔知……唉！揀波先啦！上個星期法甲對我唔好，今個星期我決定移情別戀玩蘇超，希望有番回報啦！哈！哈！
第一場係基特拿鬥喜伯年，主場基特拿積分榜包緊尾，實力有幾多唔使多講，仲要隊波近況鬼咁差，近五場聯賽輸晒，喪失十一球只係入得一粒，睇績睇實力都唔開胃。作客喜伯年唔係好勁，但起碼先後贏過些路迪同格拉斯哥流浪先呀，所以個歐洲平均賠率（下稱歐平）係主勝5.74倍、和波3.64倍同客勝1.52倍，側晒落去喜伯年度都算正路。之不過足智彩今場主客和，分別係主勝4.95倍、和波3.5倍同客勝1.57倍，和波同客勝都被調高，主勝亦低，最重要係開埋好多時令人諗爆頭「讓球主客和」，Bee基照舊照跟可也，撐多少「讓球主勝」囉！
登地聯主力缺陣有暗湧
第二場係登地聯對基爾馬諾克，計排名登地聯排第四，照計實力就應該高過排第七基爾馬諾克啦！最緊要係登地聯主場連流浪都冇面畀，照贏二比一嘛！今場歐平主勝1.92倍、和波3.26倍、客勝3.61倍，登地聯明顯被睇高多少啦！之但係可能同登地聯上場有兩件主力紅牌，今場唔踢得有關，足智彩主客和主勝有2倍，但係和波同客勝就同樣只得3.2倍，動態似乎同歐莊大勢有出入，咁環境Bee基梗係信自己人，玩「讓球客勝」啦！