本周葡超最後一場賽事，由國民隊主場對馬里迪莫。基於地理上優勢，國民隊一向都靠主場取分。雖然季初久未開勝門，但經過一段調整期之後近期漸見起色，先後逼和爭標強隊士砵亭及擊敗利亞拿。國民隊回勇兼有主場之助，平手盤低水亦有一定捧場價值。（周二凌晨３時45分開賽）

國民隊暫時只贏過拿華及利亞拿，計賽績唔算標青。不過球隊狀態正在上升當中，究竟會上到邊個位冇人會知。若果等到國民隊連贏數場之後先至跟進，不但失去投注先機，賠率調低之後亦間接影響回報率。故此巨高就趁早揀定，平手盤相信坐和望贏。 

馬里迪莫虛火已過  
 
除讓球方面盤口有微利之外，客隊馬里迪莫狀態回落亦係捧國民隊原因之一。今季馬里迪莫憑馬古古拿之勇，一度升上積分榜第二位。但季初虛火一過，近四場比賽即全部失分。單係近兩場就分別輸畀賓菲加及甘馬雷斯。馬里迪莫已不及早前勇銳，對上兩次作客國民隊亦落敗收場，客績、狀態俱差，睇淡都好正常。