|
聽朝巴甲爆發「雙斯」大戰，彭美拉斯將會主場對富明尼斯。雖話「彭斯」近排連輸兩場，隊長華迪韋亞又要停賽，好彩「野獸」艾蒙度及時復出，加上仲要爭下屆南美自由盃資格，我信佢今場可以置諸死地而後生，何況「富斯」中場大將艾路卡傳季尾走人，肯定影響軍心，「彭斯」1.85倍W足以置「富」！（開賽時間：周四早上7:45）
雖然聖保羅已經巴甲冠軍，但唔代表其他球隊冇爭。根據巴甲賽制規定，前四位球隊將可出席下屆南美自由盃，呢個盃賽相等於歐聯，係南美一級賽事，搵銀良機。依家排第五彭美拉斯只落後第四高士路兩分但打少一場，今場贏波將可搶番主導權，冇戰意就假。
富明尼斯踢風流波
無疑彭美拉斯近排連輸兩場，隊長華迪韋亞繼續停賽，好彩球隊兵源充足，戴維特、李安度馬基利尼同馬天尼斯都可以隨時候命。另外，「野獸」艾蒙度養傷兩個月後亦終於復出，咪睇佢已經三十六歲，但球隊之中依然德高望重，有佢落場，其他球員都零舍定。
富明尼斯目前因得勝場次唔及彭美拉斯而排第六，睇落仲有機會爭南美自由盃資格，但其實佢一早巴西盃冠軍取得額外南美自由盃參賽資格，餘下賽事對佢講可以講係風流波。朱楓賽前仲收到風，傳賓菲加想以三百萬歐元簽中場艾路卡，呢位中場富明尼斯舉足輕足，據講成事機會仲相當高，正所謂「樹倒猢孫散」，其餘隊友聽到艾路卡喊走，肯定會分心諗前途，對住仲要爭下屆南美自由盃資格「彭斯」，睇兩連勝走勢都係時候告終！
|
