上星期Mic少盡公民責任區議會選舉中投票，Mic少對於兩名候選人認識唔多，不過Mic少仍然做足功課，投票前都專登睇下佢宣傳單張。
往績食住青年人
最終令Mic少決定投邊個一票，都係候選人過去服務社區政績，能夠作出實際貢獻，點都比空口叫喊口號優勝。有時投票同揀波一樣，睇往績非常重要，周日凌晨巴甲，富明尼斯主場對青年人，富軍近五次主場對住青年人取得四勝一負，往績上明顯食住青年人。雖然富明尼斯已經冇好爭，不過有睇歐國盃外圍賽球迷都見，唔少踢風流波球隊都極具體育精神，大打真軍，Mic少今次決定向主隊投下信心一票。