歐聯卅二強D組賽事，賓菲加主場對AC米蘭。榜首AC米蘭因以三分領前薩克達及些路迪，故此今場AC米蘭只要和局就能以較佳對賽成績躋身十六強。雖然話和局便能完成任務，但AC米蘭絕唔係一支死守球隊，況且賓菲加於歐洲大舞台表現失色，相信紅黑兵團於客場亦能佔得一定優勢，嘉輝睇好「上盤」。（now 673周四凌晨3時45分直播）
大哨復出火力提升
AC米蘭近年專注歐聯，表現比起意甲好得多。今場大部分正選都可以如期上陣，包括巴西前鋒朗拿度。「大哨」復出後表現唔錯，腳下功夫未有退步。相信佢同基拿甸奴呢對進攻組合，可予賓菲加後防構成大威脅。
葡萄牙賓菲加於歐聯四戰僅得一勝，好明顯與歐洲一線球隊尚有一段距離。再講賓菲加晉級機會唔高，今場隨時採取平常心態度應戰，疊埋心水打聯賽仲好。