今日賽事除歐聯爭奪激烈外，其實聽朝巴甲三場護級大戰一樣刺激，咁呢三場就係排名十二至十七對賽，勝負互相影響邊隊會降班。關爺就揀三支水深火熱要搶分球隊包括戈亞斯、哥連泰斯及紐迪高。
哥連泰斯有幫手
先簡單講講巴甲榜末形勢，涉及今日三場賽事明尼路、戈亞斯、哥連泰斯、華斯高、費古倫斯及紐迪高連同今場仲有兩場賽事就收咧，明尼路及費古倫斯已上岸，輸贏無關痛癢，華斯高亦只差一分就掂。
最水深火熱係尾四戈亞斯，若然今場戈亞斯一輸，尾五哥連泰斯及尾六紐迪高贏波，戈亞斯就即時玩完，所以講鬥志一定係戈亞斯最好。戈亞斯今仗作客已上岸明尼路，必搏盡搶分，「讓球客勝」可捧。
至於哥連泰斯屬於巴甲傳統球會，巴西國內人際網絡極佳，關爺認為佢一定有大把人幫手，主場出擊對作客一般華斯高，主W亦係要兼顧。
至於費古倫斯對紐迪高一仗，形勢同明尼路一樣，費古倫斯已經搞掂，隨時會放生紐迪高。紐迪高上仗大炒阿美利加納泰四蛋，球隊信心返晒，呢場搶分救命場合，更加唔會腳軟，「讓球客勝」梗係要揀啦！