記得歌星Juno麥浚龍初出道時，經常畀人惡意針對，話佢全靠有錢老竇「照住」先有機會出唱片，面對千夫所指，Juno選擇沉默是金，用心做好自己音樂，波童聽歌方面雖然唔及拿仁或者嘉輝咁In，不過相信一首好歌只要用心唱，一定會有感動人地方，由以往《有人》、《耿耿於懷》，直到近期《借火》，全部講緊你我身邊發生事，令人感動甚深，緊周二Juno就會舉行佢個人音樂會，希望佢演出成功。
足協盃輸畀漢堡難睇
除唱歌，踢波亦要用心踢，雷恩近期成績差就係衰冇heart，上周中足協盃對漢堡冇神冇氣，今晚遇上主場不敗華倫西恩斯好難有期望，主隊讓平半捧上盤。（now 826周一凌晨1時直播）