唉！遇上「球場浪子」真係唔好彩，對佢多次投以信任，點知要承受連番失望！我講隊咪係拜仁慕尼黑囉！季初係威係勢，點知原來唔係咁易畀人睇穿。費事傷心多次，今晚拜仁作客比勒費爾德，我唔再信佢！今晚拜仁贏波唔奇，但客W太熱唔抵，寧願向入球「大」埋手！（有線體育台62周一凌晨零時直播）
比勒費爾德季初曾經好過一排！雖然今季最大敗仗以一比八慘敗畀雲達不來梅，但近期總算好番少少，至少十一月中主場贏過紐倫堡。今場又主場出擊，頂唔頂得住拜仁我唔敢講，但要有入球應該唔會太難。拜仁攻力冠絕德甲，但最近五場只贏過一次，近態失常，倒不如敲番佢最近有得有失特點，捧番個入球大仲好啦！
紐倫堡平手盤抵玩
至於杜伊斯堡主場對紐倫堡，主隊已五連敗！相反，紐倫堡季初出親場幾乎都可以捧佢對家等收錢，但呢班波最近表現有起色，上周聯賽贏完多蒙特，再上周中足協盃作客逼和辛尼特，今場平手盤水位略低，反映莊家對佢信心多，一於捧紐倫堡啦！
OL推介
比勒費爾德 Vs 拜仁慕尼黑（入球大細：大）
杜伊斯堡 Vs 紐倫堡 （平手盤：紐倫堡）