今日有場足總盃獨腳戲，由英甲維爾港對非聯賽球隊查斯城。今場比賽兩隊波都唔出名，不過主場維爾港都叫做係英甲球隊，買波都叫做有可尋，面對實力唔入流查斯城都應該有得贏，不過主勝得1.22倍無分頭，不如要個半場勝，搵佢做變倍器好過啦！（開賽時間：周日晚10:00）
查斯城半場少入波
維爾港係英甲包尾大幡，聯賽真係畀人蝦到上心口，不過呢場係足總盃，對住非聯賽球隊當然要贏番場振奮士氣。要半場勝係睇中佢要速戰速決心態，都話佢依家聯賽包尾，重點當然係要走出降班漩渦，早搞掂對手就可以早預備下場英甲賽事，所以要佢半場勝都唔係無道理。
而且對手查斯城近兩場比賽，半場都未入過波，主場維爾港上半場真係可以放心進攻，領隊史洛特亦講明球隊唔會因為聯賽成績差而放棄足總盃，仲話會做足功課爭取贏波。實力差唔緊要，最重要係有認真比賽心，阿Dee睇好佢今場贏波，半場領先應該冇問題啦！