維拉利爾望止跌

西甲的維拉利爾及馬體會兩支黑馬分途出擊，前者對艾夫斯堡望止跌，後者作客哥本哈根有隱憂。英超愛華頓近況理想，周四歐洲足協盃主場對俄羅斯的辛尼特，可望三連勝。　　

維拉利爾經過五連勝後回軟，近兩仗西甲都在弱旅身上失分。幸好，維拉利爾有的是質素，來自瑞典的艾夫斯堡近八仗僅一勝，近況比黃色潛艇更差。丹麥聯賽第二位的哥本哈根有一定實力，但與連贏三仗的馬體會相比相形見拙，至少該西甲黑馬的科蘭、阿古路及森馬奧個個有態，不愁冇波入。

愛華頓半力出擊

愛華頓穩打穩扎，近八仗五勝三和未輸過，射手艾耶賓利有態，奧士文、卡希爾又回勇，配合主場的優勢，搶分本錢十足，最擔心的是如隊長菲臘尼維爾所言會派副選上陣：“領隊莫耶斯周中將會有所調動，愛華頓有大量球員，沒理由不用盡他們的。像查積卡爾、東尼靴拔應該要上陣，以備不時之需。”

在此組中，愛華頓兩仗皆捷積六分排榜首，比今仗對手多一分，要是能從辛尼特身上全取三分，出線將變得冇問題。不過，客軍為俄甲榜首隊伍，近八仗戰績與“拖肥糖”一樣，絕不能掉以輕心。