波爾多同希爾星堡呢兩隊波分別歐協盃H組排前兩位，講真兩隊波實力同近況都唔係差太遠，而且大家鋒力唔弱，兩雄相遇當然係鬥多波入，呢次開「大」實冇走雞。（開賽時間：周五凌晨3:45）
波爾多有前冇後
觀乎兩隊波大細走勢，主隊波爾多近四場都開大，作客希爾星堡都有近三場開大，證明有兩隊波賽事都會多「士哥」。主隊波爾多可以話係有前冇後，前面多波入之餘，後面又失番唔少，好似近三場波入七球，但就失八球，呢種打法就梗係造就場波多波入啦。
至於作客希爾星堡雖然已經出線，但小組入波最多，亦係瑞超入波最多隊伍，而且近兩場歐協盃比賽都入人三粒，今場對住又係出名多波入波爾多真係可以話同撈同煲，齊齊上演入球騷，加上又有名將軒歷拿臣壓陣，今場波真係想入少都難咯！