繼續做緊德甲龍頭拜仁慕尼黑，今晚將會作客對已經連輸三場哈化柏林，以後者咁近況，面對住志切收復上周失地拜仁，莫講話要爭取贏波，想頂住唔輸保一分歇冬睇怕都幾難，一於捧拜仁客勝！（有線61周六晚10:30直播）
拜仁上星期真係失禮，主場對住今季降班膽之一杜伊斯堡，出盡所有攻擊法寶列貝利、高路斯同埋東尼強陣出擊，照理唔輕鬆贏兩、三球都唔收貨喇！點知最後竟然贏唔到，好彩另一邊廂雲達不來梅要留力歐聯，作客漢諾威全失三分，否則拜仁隨時連個榜首位都讓埋畀人。
經過一次咁大訓後，拜仁要保住聯賽「一哥」個位歇冬，今場不容再失。決心就肯定唔使懷疑啦，雖然下周佢仲有場歐協盃要踢，但對手只不過係實力平平阿里斯，所以基本上唔使太擔心今晚會流攤。
哈化聯賽3連敗
至於主隊哈化柏林，除近三場都衰晒之外，表現仲要一場差過一場，作客卡爾斯魯厄場先入波仲叫做好，之後主場對利華古遜吞三蛋，對住近況一樣咁差紐倫堡亦要輸一比二收場。睇走勢，佢都要歇冬呢段時間好好調整一下，今場想分實在係難過登天。
頂『占』筍盤
‧拜仁慕尼黑：客勝