今晚英甲進行獨腳戲，唐卡士打主場出擊對伊奧維，齋睇兩隊近期表現，伊奧維無疑係贏波較多，但路西法今場就反而對主隊唐卡士打較有信心，主因係伊奧維只係識得主場惡，一作客就變成軟腳蟹，近期幾場贏波都係主場賽事，留意番伊奧維近五次作客竟然輸四場，今晚作客唔係咁信得過。
唐卡士打主力傷愈
除伊奧維作客無力之外，主隊唐卡士打亦有好消息傳出，就係兩名主力傷勢好得七七八八，後加里夫羅拔士及積遜派斯亦有參與賽前訓練，如無意外今仗應可上陣。此外，領隊桑恩指球隊近期和波較多，若要保持爭升班機會，係時候將和波變為贏波，既然領隊出到聲，球員自然更落力，主隊值得捧場。