經過近十日密集式五場賽事後，「世界冠軍球會盃」今日終於埋欄，先晏晝踢季軍戰，接住黃昏就至強戲碼決賽，世界球壇兩大勢力歐洲同南美洲對碰，由AC米蘭惡鬥小保加，由於兩隊同樣屬慢熱兼穩陣派，一於跟番攤路，揀半場和。（有線61及64、中央5台周日晚6:30直播）
由於時間搭正開飯前，所以我有線今晚再搞「好友FEEL PARTY」，大家一齊開心！有飛就早到，無飛Fans，都希望你留守電視機前，冠軍戰送飯！賣完廣告，都係時候講番呢場波有咩心水。
初步睇，勝負似乎唔易揀。AC上場對住紅鑽雖全場佔優，但弊在攻極都攻唔入呢！唯一要讚，係球隊防守能力。相對講，小保加對住級數明顯低一皮沙希爾星隊，實際優勢一樣唔明顯，最後都係煲魚生粥贏一比○。故此有理由相信，到決賽，兩隊都會踢得更謹慎，入波唔慌多得去邊。
日傳媒捧AC 羅素發晦氣
況且日本邊傳都話，小保加練羅素連日畀班記者追住問AC係咪全球No.1勁旅，煩到佢火都埋，只回應話：「AC集中全球精英，仲使問咁多，佢梗係最勁啦！」睇見羅素咁勞嘈，相信佢一定會諗好多計仔去對付AC，唔會咁易輸。
既然勝負難揀，不如扭轉方向，搵過另一樣有把握瓣數仲好。事關AC近八場比賽，有七場上半場打和！既然認定AC進攻唔勁，但防守穩陣；小保加攻力又唔似有咩特別把炮，一於跟番攤路，捧多次半場和。至於下半場分唔分到勝負、邊隊贏邊隊輸？無所謂囉！
頂『占』筍盤
‧AC米蘭：半場和
卡卡要拉票「首球」證身價
難得世冠盃決賽加開首名入球，梗係要支持！卡卡為爭世界足球先生，肯定無保留，戰意秤先有做「特首」決心！
AC米蘭上場對浦和紅鑽，卡卡表現真係無懈可擊，最後仲妙傳施多夫射入奠勝球。今場對住有華加斯停賽小保加，卡卡為圓雙料足球先生美夢，肯定搏盡，相信一班隊友都會造就佢入波拉票，就算賠率熱爆都要捧呀！
雙紅會冷敲費迪南
另外，大家又點可以錯過英超四強捉對廝殺，其中利物浦對曼聯一戰，朱楓會吼里奧費迪南，事關佢近四次對紅軍居然入兩粒，入開有條路值得再追；最後阿仙奴對車路士，兵工廠有法比加斯上陣成疑，車仔有杜奧巴、艾辛缺陣，睇兩隊好大機會互交白卷，一於吼「無首名入球」。
另外，大家又點可以錯過英超四強捉對廝殺，其中利物浦對曼聯一戰，朱楓會吼里奧費迪南，事關佢近四次對紅軍居然入兩粒，入開有條路值得再追；最後阿仙奴對車路士，兵工廠有法比加斯上陣成疑，車仔有杜奧巴、艾辛缺陣，睇兩隊好大機會互交白卷，一於吼「無首名入球」。
首球推介
（日）2 101 卡卡
（日）2 101 卡卡