德甲歇冬，今個禮拜我搞搞新意思，轉玩日本「天皇盃」，今日集中講八強戰鹿島鹿角對FC本田，聯賽冠軍鹿島鹿角目前正朝「雙冠王」目標進軍，鬥志好到加零一，對住業餘級數FC本田，要淨勝兩球以上開「讓球勝」，睇應該無問題！（周六下午2時開賽）
本田疊水但冇野心
FC本田成立雖然超過卅年，初時搞波都係想做下宣傳咁！至於收唔收到成效？就要問過領導層至知，FC本田咁大間車廠照住，水頭實足啦，不過似乎車廠對搞波興趣不大，例子之一係佢06年贏到丙組聯賽冠軍後，竟然唔肯升上乙組踢職業，而今屆丙組排名只得第五，公司咁都收貨就可以睇到。
講番依家踢緊「天皇盃」，咪睇佢之前連續淘汰日職球隊柏雷素爾同名古屋八鯨殺入八強，就以為係「巨人殺手」，其實原因只不過係兩支中游球隊太「hea」，所以小妹唔會過分睇高佢。
相反，鹿島鹿角氣勢強勁，係今季日職聯賽盟主，練奧利華拉獲選為○七年度日職最佳練。雖然有人話：盃賽係「爆冷溫床」，但鹿島鹿角目標鮮明，實力又對手之上，本田邊有咁易爆出！鹿島鹿角上屆卅二強曾經大炒FC本田四比○，今場照理開「讓球勝」唔難，入球大都要吼實！
OL推介
鹿島鹿角VsFC本田（讓球主客和：主勝）