天氣Keep住凍凍，令聖誕氣氛愈愈濃，三位ＢＡ度想提醒各位男士，聖誕佳節就一年只得一次，千祈唔好為睇波、賭波忽略身邊那位。^-^點都要抽時間出去行街、睇燈飾，當然仲要記得送禮物啦！
對波爾多認識唔深，只知道當地係一個世界著名紅酒產區。自問唔識品嘗紅酒，最深刻一次係同成班朋友海邊小屋摸住酒杯底大話西遊，酒唔算貴價，但感覺開心。
酒逢知己千杯少
有人不惜一切尋求佳釀，但我更在意邊個同我一齊品嘗，唔同個體有唔同價值觀，品酒係咁，踢波都係咁，波爾多今季就好明顯將歐戰放本土賽之上，六場歐協盃賽前，四次法甲失分，一次聯賽盃輸畀冇前冇後包尾大幡梅斯，唔係留力話，依家分分鐘可以同榜首里昂並駕齊驅。即使已穩奪小組首名出線，佢周中作客希臘依然拚死反勝彭尼奧尼奧斯，今日疲兵出師索察，睇怕波爾多都會再次法甲遭遇滑鐵盧！
酒逢知己千杯少，酒重要還是知己更重要，每個人可以有自己諗法，但為歐洲賽呢種「佳釀」而輕視本土賽，就似乎有本末倒置。>.<