黑柴法國大學生戰友yves近期正努力學緊中文，成日用好料畀黑柴做學費，今晚又有料到，建議反名牌巴黎聖日耳門。
巴黎聖日耳門近期愈踢愈差，球迷不斷要求練利古恩落台，點知會方唔理佢訴求，球迷會組織《1991》忍無可忍，公開呼籲球迷今晚唔好隨隊作客聖伊天，以示抗議，相信聖伊天可以乘機發圍。
博紐卡素和主
此外，黑柴全日心水係博英超紐卡素對打比郡開半全場「和主」，紐卡素近兩場都靠補時贏波，佢已經連續八場未試過半場領先，擺明等下半場至料；打比郡係差，但近五場作客有四場半場踢成○比○，證明夠氣夠力時候可以頂得兩嘴，「和主」有4.3倍博得過。