歐聯十六強真係唔知咩抽籤結果，三支意國雄師全部遇「硬」，有冇搞錯！八強隨時一支意大利球隊都冇，慘！算啦，都係講番今晚場「米蘭打」先，國米今季聯賽表現實在太好，AC睇怕凶多吉少。
AC日前意盃不敵卡坦尼亞可謂意料中事，無，踢完世冠盃，又有場打戰跟尾，犧牲一個小小盃賽預啦！雖然AC係世界冠軍，不過今季本土聯賽表現咁差，聖西路演出就更加不濟。就算有「雙料球王」卡卡都係咁話啦，對住聯賽踢到曉飛國米，AC想一分都幾困難。
至於今晚西甲榜首大戰，我同樣睇好「一哥」皇馬。理由非常簡單，佢今季聯賽確係踢得好過巴塞。雖然巴塞今季主場暫時全勝，但所有長勝走勢都有被結終一日，相信皇馬有資格做呢個「巴塞長勝」「終結者」。