天皇盃唔經唔覺已經到四強階段，兩場準決賽會今日下晝上演，當中場川崎前鋒中立場對鹿島鹿角，我就覺得前鋒可以憑較可靠近況稍佔優勢，讓球盤一於捧川崎前鋒受讓平半下盤！（有線61及148周六下午2:00直播）
飛腳鬥三箭贏面高
呢場準決賽安排中立場東京國立競技場舉行，位置上稍為接近川崎前鋒，叫做對鹿島鹿角比較不利，不過真正令人擔心鹿角地方，反而係佢究竟有無心爭呢隻盃？前一圈對住甲府風林要踢到加時至贏已經夠離譜，上圈對住業餘聯賽球隊FC本田，竟然都要再踢到加時兼靠對手打少個至勉強過關，班波會唔會之前慶祝贏聯賽冠軍玩大玩到心散晒？鹿島鹿角對於爭做雙冠好似無乜決心，絕對係需要擔心問題。
相反，川崎前鋒連續兩圈都能夠淨勝兩球以上晉級，而且兩場都無失波，今季聯賽最終排第五名，成績都唔算差，計實力絕對可以同鹿島鹿角一爭長短。至於另一戰線，大阪飛腳實力比廣島三箭高（有線61及148周六中午12:00直播），亦大有機會躋身天皇盃決賽，川崎前鋒若然都過到關，就有機會報回早前聯賽盃決賽一敗之辱。目標明確，讓球盤博川崎前鋒有望最少索半個盤，捧得過！
頂『占』筍盤
‧川崎前鋒（下盤）
賽制話你知……
今輪為4強賽事，若在90分鐘內打成平手，則需加時30分鐘決勝負，再和則互射12碼決出晉級球隊。