|
Happy New Year！度先祝各位讀者今日波馬都贏到開巷！日本，元旦日就係佢新年，好似我香港農曆年初一踢賀歲盃咁，佢就特登將天皇盃決賽安排元旦日賀一賀。今場終極之戰，我就睇好鹿島鹿角可以擊敗廣島三箭，成為聯賽同天皇盃雙冠王，1.57倍W要捧。（有線61、64及148周二下午1:00直播）
我有線今日繼續足球、球彩加埋日本NHK Premium三台同時直播呢場日本賀歲波。至於今日要捧邊隊先贏錢？梗係鹿島鹿角啦！今屆天皇盃決賽鹿島鹿角對手係廣島三箭，對於鹿角講，呢個係意外驚喜，佢四強戰壓倒川崎前鋒，固然係個正路賽果；但另一條線，大阪飛腳以全熱門身份，竟然畀來季乙組再見廣島三箭淘汰！
鹿角本來諗住決賽又要硬碰今季宿敵大阪飛腳，點知一個唔該變對降班隊廣島三箭，咁對鹿角要爭取成為雙冠王，呢次仲唔係天助我也？加上今場贏波獎金驚人，鹿角之前贏日職冠軍、日聯盃又入四強之後，每個主力球員已經袋港幣約三十一萬獎金，捧埋天皇盃就加碼各人執多十四萬，正所謂重賞之下必有勇夫，今仗仲唔搏老命咩。
三箭遇鹿角例冇運行
三箭雖然踢到降班，但今屆踢天皇盃入到決賽，總算有交代喇！可惜季內聯賽兩次對鹿角都輸晒，聯賽盃咁又係畀鹿角淘汰，可以講係冤家路窄。無論計實力同宿命，睇三箭都係湊高興多，我認為鹿角可以法定時間KO對手捧盃。咪介意賠率熱，○八新開始，最緊要頭彩！
頂『占』筍盤
‧鹿島鹿角（客勝）
|
