杜拜盃盟主今晚誕生，決賽上演「國際大戰」，由國際米蘭於中立場鬥國際體育會。國米人強馬壯，上仗鬥阿積士半力出擊一樣晉級，主帥文仙尼話明今仗會畀多正選球員上陣，預料基斯普、馬特拉斯等都會復出，食硬唔夠班國體會，主Ｗ好路。（廣東體育台周二凌晨1時直播）
國際米蘭上季以無敵姿態取得聯賽冠軍，打出一貫勁旅氣勢，本季繼續神勇，於聯賽遙遙領先，歐聯亦有上佳演出，球隊依家打任何賽事都會以冠軍為目標。上仗以半力出擊，派好多後生仔落場，同阿積士打成二比二平手，最後互射十二碼晉級。雖然杜拜盃只係寓賽於操賽事，但話晒都係決賽，文仙尼講到明會畀上仗冇踢球員於決賽上陣，辛尼迪、哥度巴、基斯普等老大哥上場都係做座上客，呢場將會出場搏殺，加埋梅開二度告魯斯，國米人腳齊番晒，就算唔出十成功力，熱Ｗ都會開出。
國體會實力差一截
國體會上季於巴甲表現一般，只到第十一名，而聯賽於十二月頭收咧，除上仗爆冷贏史特加外，都冇正式比賽，球員狀態麻麻。事實上，場國體會贏波有好大幸運成分，史特加基本上控制大局，而且有多次黃金機會，但球員都未能把握，就咁畀國體會偷雞小勝一粒。國體會人腳唔多，上場基本上已夫添上陣，其中主力如費蘭度同阿歷斯都有出場，後者更射入奠勝入球。國體會呢場都會以地莊出擊，不過小休兩日又要搏過，體力未必應付得來。