雖然今日係星期一，不過仍然有場「國際」大戰畀大家玩，就係杜拜盃決賽國際米蘭對巴甲勁旅國際體育會！計實力，國米肯定國體會之上，不過佢上場僅靠十二碼晉級，似乎狀態唔及上場擊敗史特加國體會，再講巴西球員個個都想出國搵食，難得今場對住國米畀全世界睇實，梗係要Show Quali博買家啦，「讓球客勝」博得過！（廣東體育周二凌晨1:00直播）
朱楓唔懷疑國米係今屆杜拜盃四支球隊中實力最強一隊，不過佢四強面對今季實力跌晒Watt阿積士，都係僅僅逼和二比二，最後靠射十二碼贏三比二晉級，射手蘇亞素仲要傷出未知要抖幾耐，如果唔係唔弗，又點會咁易友賽傷出呀！
國體會個個博上位
練文仙尼賽前表明，對國際體育會一仗會派上場對阿積士冇份出場球員上陣提升狀態，預計伊巴謙莫域、施薩索拉斯及占美尼斯等會復任正選，不過呢班球星唔係放完假趕杜拜，就係歇冬後冇踢過一場正式比賽，狀態隨時比上場對阿積士落場班球員更差。
國際體育會上場被人睇淡之下，居然以一比○爆冷擊敗歇冬前狀態逐漸回升、上季德甲盟主史特加，令唔少人大跌眼鏡。今場對住國米，朱楓有理由相信佢會踢得更賣命，事關巴西球員個個夢想都係登陸歐洲賺大錢，難得今場對住國米畀全世界睇實，仲唔Show Quali吸引買家、博巴甲未開咧前走人咩？受讓一球要開「讓球客勝」絕對唔難！