伊奧維今晚英甲對住華素爾雖有主場之利，但佢自踏入十二月中後狀態急速下滑，加上今仗陣容不整，對住狀態大勇兼夫添出戰華素爾，實在係讓唔起平半，下盤可捧。（開賽時間：周三凌晨3:45）
伊奧維殘陣兼缺態
講實力，伊奧維英甲都算係一線，但今仗對華素爾絕對不宜睇好，點解？原因有三個，首先呢班波近期突然走樣，最近四仗只曾一勝。第二，首席射手奧胡素近五仗都食白果，以致缺乏搶分本錢，想失球數字第二少華素爾身上搵食？難喎。第三，隊長史基華頓同埋老將保羅華尼雙雙停賽，連表現對辦借將比迪亞都已重返利物浦，整體實力受到削弱。
相反華素爾近十六場波保持不敗，超過兩個月未輸過，狀態弗到爆。安東尼謝拉特以及史雲尼刑滿復出，中後場實力有所增強，另外前紐卡素球員比頓以及主力射手摩利皆可披甲，領隊文尼可派遣夫添應戰，作客有望回落伊奧維身上搶番一分。