近排歐洲球壇非洲兵相繼離隊，其實影響最大可能係法甲，事關佢向來都特別多非洲球員力，尼斯同南錫就分別有多位主力走人，呢兩支以穩陣見稱球隊相信會打得更穩陣，0:0、1:1係工廠仔心水之選。
追埋1:1夠穩陣
先數尼斯，前鋒高尼（科特迪瓦前鋒）、祖比（喀麥隆前鋒）、戴亞傑迪（馬里中場）、簡迪（馬里後防）、阿班姆（尼日利亞後防）都返非洲，三線實力無疑減弱，不過佢近十場聯賽未逢一敗，其中六場都係和波，今仗主場出擊雖然贏波有心無力，但係穩穩陣陣一分唔難。
作客南錫雖然走人唔多，但單係摩洛哥中場雙煞尤素夫夏積同薩卡離隊，已經夠佢煩，同樣道理，南錫今仗靠將會係佢近四場只失一球超強守力，其實南錫聯賽已經五連和，今季九次和波入面有五次0:0同三次1:1，今鋪再追呢兩瓣就得米！
波膽推介
尼斯和
0:0、1:1