|
法國○六世界盃十六強將西班牙淘汰出局，今晚雙方再度交手，法國列貝利及拿斯尼兩位靈魂人物都有傷在身，加上亨利今季表現跌晒Watt，中前場實力大為削弱情況下，絕對係西班牙報仇好時機，後者近十四個月未輸過兼會精銳盡出，今晚馬拉加主場讓平半必撐上盤！（now632台周四凌晨4:00直播）
法國○六世界盃十六強以三比一淘汰西班牙，相信球迷仍然記憶猶新，但佢今晚想歷史重演，似乎就冇咁容易！事關場波致勝功臣施丹經已退役，列貝利拉傷大腿肯定缺陣，拿斯尼亦上陣成疑，中場派牌人選欠奉。
法國中前場戰力大跌
至於久休復出中場韋拉過去意甲賽事見紅，成場波行行企企冇貢獻，狀態明顯未足，射手查斯古特同領隊杜明歷不和冇份入選，亨利今季表現亦大不如前，法國中前場戰鬥力實在大打折扣。
法國近六場波只係贏得兩場，對手仲要係法羅群島同立陶宛，反觀西班牙近十四個月踢十二場波都未輸過，走勢非常凌厲。人腳方面，「鬥牛勇士」新面孔有巴塞新星保贊，此子今季表現優異，今晚落到場除要創下最年輕上陣國腳紀錄外，亦要為出戰歐國盃決賽周考牌。仲有呀，卡迪維拿、恩尼斯達、法比加斯同費蘭度托利斯都會披甲，呢班球員近期所屬球會弗到爆，藉住地利兼復仇鬥心，要殺敗法國唔係天方夜譚！ 温馨提示：直接搜索“901”可以快速找到本站，获取最新资讯。
|
