|
今日以足協盃為主打，關爺重心亦提供足協盃場次畀大家，重心推介白蘭恩對愛華頓「細」。白蘭恩挪威聯賽未開咧狀態不足，對住英超球隊肯定唔敢亂，而愛華頓近期鬧入球荒，近四場只入得一球，作客更會以穩為大原則，兩軍唔似會對攻，買「細」最數。（周四凌晨３時開賽）
白蘭恩雖然係挪威冠軍球隊，而且主場個績仲好靚，聯賽十一勝二和○負得三十七球失十四球，不過，呢只係佢對住挪威球隊數據，足協盃成績就完全唔同晒。
白蘭恩足協盃主場五場三勝兩負，但其中兩場足協盃第二同第三圈對住弱球隊如威爾斯卡馬頓及立陶宛球隊蘇度瓦，跟住面對稍為似樣對手，即刻唔係幾識入波，對布魯日及漢堡輸○比一，此外亦只能以二比一擊敗薩格勒布戴拿模，證明白蘭恩一班前鋒對住歐洲二線球隊後防已經束手無策，更何況今仗係英超「四哥」愛華頓，更休想佔甜頭。
喜伯年遇弱胃口
不過，愛華頓雖然暫時英超緊隨阿仙奴、曼聯及車路士排第四，但近況一般，近四仗只攻入一球，主要原因係耶高保離隊踢非洲國家盃影響攻力，而且佢遲返球會報到，領隊莫耶斯今場都未必畀佢出，肯定影響愛華頓攻力，所以今仗揀「細」。
另外兩關鍾意燕豪芬「大」同喜伯年勝。燕豪芬一向踢開歐聯，級數比足協盃球隊高，面對只攻不守希爾星堡應可大手交易；至於蘇超喜伯年主場對基特拿，主隊多場不勝，難得遇弱旅，趁機贏番場激勵士氣，主W晒胃口。 温馨提示：直接搜索“901”可以快速找到本站，获取最新资讯。
|
