|
東亞錦標賽男子組話咁快又去到最後一輪賽事，日本、南韓同北韓都仲有機會爭標，其中前兩者將會率先互撼。兩隊賽前都受「傷鋒」問題困擾，加上近六次交手全部開細，入球細值得跟進！（有線61及廣東體育周六晚6:15直播）
日本暫時同南韓同得四分，但由於入波唔及南韓，所以日本今場必須擊敗對手先可以奪標。日本賽前有前鋒高原直泰落選，大久保嘉人、卷誠一郎同阿部勇樹三名攻擊球員先後退隊，首場比賽逼和北韓後，前田遼一亦宣布打柴返國，上場僅靠中國一次防守出錯先至贏波，鋒力認真疲弱，今場岩政大樹、安田理大、駒野友一幾個中後場都應該唔出得，好在佢後防勝在夾慣夾熟，門將楢崎正剛、後中澤佑二同加地亮都係國家隊常客，預料日本今場會以穩守為主，博反擊偷雞。
南韓首仗憑朴主永（前譯朴周永）梅開二度擊敗中國，但次仗對北韓和波因佢受傷缺陣，今晚朴主永有機會紮住上，但狀態唔慌好得去邊；考慮日本同南韓近六次交手全部開細，呢場入球細值得一試。
中國冇爭北韓有權爆
同晚中國將對北韓，北韓今場如能贏中國兩球或以上，有機會後上封王，相反中國已無望爭標，加上有後防大將李瑋峰停賽，防線危危乎，北韓唔係冇機會爆冷。（有線61、廣東體育及中央5台周六晚8:45直播） 温馨提示：直接搜索“901”可以快速找到本站，获取最新资讯。
|
