日本波返�猾ǎ∪毡境�級盃聽日�踔辛�場東京國立競技場舉行，鹿島鹿角會同廣島三箭交手，鹿角射手田代有三於國家隊演出乏善足陳，三箭缺少王牌箭頭烏士利鋒力銳減，兩軍目前狀態麻麻，今場士哥唔慌多，捧細盤最好！（周六下午12時35分開賽）

日本超級盃由聯賽冠軍對天皇盃盟主，鹿角上季贏晒兩個賽事，所以由上屆天皇盃亞軍廣島三箭頂上。鹿角今季人腳變動唔大，老牌射手柳澤敦轉投京都不死鳥，土炮箭頭田代有三成鋒線重要棋子。早前東亞錦標賽日本國家隊好多傷兵，田代有三擔正攻堅，但狀態明顯未操起，另一箭頭馬昆奴斯雖有級數，但畀對手睇實難有作為。 

三箭打穩守突擊  
 
三箭今季降落乙組角逐，射手烏士利轉投大分三神，近年呢位巴西箭頭同佐藤壽人組成超強攻擊組合，今季被迫拆夥，鋒力肯定大打折扣。球隊今季引入久保龍彥增強鋒力，但呢位前日本國腳傷患纏身，戰鬥力大不如前。今次三箭面對勁旅鹿角，球隊實力不及對手，肯定會一心打穩守突擊，預計入球數字唔會太高，細盤值得一試。