因為警察工業行動，阿爾克馬爾主場對飛燕諾荷甲大戰，推遲今晚上演，前者今季大跌Watt，排名跌落中游之餘仲要係連續九場未贏過，試問點讓得起飛燕諾平半？我揀下盤！（now826台及無收費電視26台周四凌晨3:00直播）
飛燕諾爭歐聯入場券
飛燕諾練雲馬域克上星期宣布，今夏將會正式接手荷蘭國家隊，臨走前相信都會盡量爭取好成績，鬥志自然係一大保證。雖然佢近排有多少跌Watt，但只要今晚贏波，就即刻可以上番第三位，仲有機會爭踢歐聯，以佢實力，莫講話和波，隨時贏埋都得。
事實上，今季賣走部分主力阿爾克馬爾，排名已經衰到跌落第十二位，近九場聯賽仲只係得三和六負，衰到貼地。我雖然鍾意賭鬼盤，阿爾克馬爾讓波又有多少鬼味，但最怕佢爛泥扶唔上壁，想贏都有心無力，都係博下盤好過。