今晚荷甲獨腳戲雖然冇當地Big4飛，但其實一樣精彩，事關格羅寧根主場對住海倫芬，兩班波都係有機會到打歐聯席位附加賽位置球隊。兩班波實力接近，兼且同樣打法進取，而且為爭前五位置目標都係三分，鬥攻之下，梗係博入球大數啦！（開賽時間：周六凌晨3:30）
荷甲賽制獨特，除話聯賽冠軍一定有份踢歐聯之外，二至五位球隊其實仲要踢附加賽爭歐聯參賽資格，依家以得失球壓住NAC排緊第四位格羅寧根，同第六位海倫芬，想踢歐聯都仲要努力，簡單講，今場和波對於大家都冇數，為爭前五肯定會搏錘望足三分。
客隊平均每場入2.5球
事實上，講到踢進攻足球，荷甲除阿積士，跟住就要數到海倫芬，呢班波今季踢二十八場聯賽，喪入七十一球，平均每場轟入二點五球，自己一隊波都夠開大，至於格羅寧根則係攻強守弱球隊，二十八場入五十球唔失禮，但夠膽失四十四球呢得人驚。信數據，最緊要係兩班波今季聯賽有六成八開出入球大，今晚當然追得過啦！