英甲賽事蠱惑多，有時賠率未必可以反映出現實情況，就好似列斯聯主場對華素爾，明明兩隊都有機會爭升班附加賽資格，但列斯聯贏波卻低至不足兩倍。列斯聯偏熱，好大程度係受名牌效應所影響。Boomber man話畀你聽呢個賠率信唔過，華素爾今場一樣有機會到分數，「讓球客勝」可留意。（周日凌晨1時20分開賽）
列斯聯幾年前頂級聯賽有表現，球迷對佢自然有好印象，亦較其他英甲球隊惹飛。而睇番球隊今季演出，一般中下游球隊確唔係佢對手，但遇到前列實力分子就有阻力；況且列斯聯近期主場表現又唔似季初咁搶鏡，主勝賠率偏低就更加唔值博。而華素爾聯賽作客仲勁過主場，列斯聯有乜資格向對手讓球呢！列斯聯賠率低主要係引誘熱門客捧場，Boomber man呼籲大家咪中計。
意甲又有默契波
另外，意甲賽事錫耶納對帕爾馬，和局賠率低至二點六倍，似乎季尾慣常默契波又料。兩支球隊今季都要打護級，打和各取一分大家開心。而今場讓球盤為平手，錫耶納低到得六四折都唔肯轉盤讓平半，咁即係話錫耶納讓唔起對手啦！揀和局冇衰。