同事話蘇豪似魯芬，大大件又粗獷，講到自己都覺得似！自問不及拿仁型，唔夠嘉輝潮，冇波童咁charm，限米煮限飯，似魯芬都唔錯，至少有character，唔使好似路人甲乙丙咁過目即忘。 

五連勝唔怕燕豪芬  
 
魯芬廿年前於《女子監獄》一鳴驚人，奠定「男版大傻」形象，若論近年最正造型，首推《龍咁威2》村姑look，一出場即殺晒，一絕！牡丹雖好，都要綠葉扶持，一部電影唔可以有十個張曼玉，蘇豪亦希望可以做塊成功綠葉。

今晚全力支持「荷甲魯芬」奈梅亨，隊中粒粒奀星，但勝在實而不華，五連勝贏到開巷，今晚主場挑戰燕豪芬可保不敗，捧「讓球主勝」！（now 826周日凌晨3時直播）