|
歐聯同歐協盃八強激戰會周中爆發，不過較奇怪係唔少有份參戰球隊，都冇爭取時間提早備戰，反而選擇周日晚先出場，勢必進一步拖累聯賽表現。其中歐協盃八強分子費倫天拿，為備戰周中對燕豪芬大戰，今晚作客烏甸尼斯實在未許樂觀，受讓平半都咪制。（有線61及64周日晚9:00直播）
其實即使冇歐洲賽包袱，費倫天拿今仗都已經有唔少隱憂，一來近三次作客全敗之餘，更加一球都入唔到，今戰仲要更有王牌射手梅度同中場利華蘭尼約埋坐波監，實力進一步受損，出戰近四次主場都至少入兩球烏甸尼斯，都幾難全身而退。
賓菲加 反彈好時機
費倫天拿要為盃賽分心，而葡超賓菲加歐協盃出局之後，可望聯賽重新振作，無疑佢近績欠佳，但對手費利拿近況更曳，作客已經錄得六連敗，加上近六戰造訪對手有五次大敗收場，相信今戰係賓菲加反彈黃金機會，「讓球主勝」抵博。（開賽時間：周一凌晨4:15）
羅連安特 主場醒
同樣歐協盃十六強出局馬賽，近況有直插谷底象，繼法國足總盃不敵業餘球隊之後，主場九連勝走勢亦告斷纜，今仗造訪近十二次主場不敗羅連安特，平手盤點都要秤先主隊。（now826台及無收費電視26台周一凌晨2:55直播）
温馨提示：直接搜索“901”可以快速找到本站，获取更多精彩分析
|
