雖然美職開咧只係短短一星期，但已經預期到上季包尾FC多倫多，都幾難有所突破，佢揭幕戰以兩球不敵哥倫布機員之後，計埋熱身賽近八場只得一勝，繼續保持上季魚腩本色，華盛頓聯隊返到主場仲唔趁機會魚腩咩，主W可以做過關重心。（開賽時間：周日早上7:30）
上季先加入聯盟FC多倫多，大部分骨幹成員都係失意軍人，雖然今季銳意改革，但新簽返球員都唔似幫到手，早前更連打比郡都企唔穩陣腳羅拔都照簽可也，就知多倫多加入聯盟一季之後，組軍同管理仍然摸索階段。對手華盛頓聯隊雖然開鑼戰同樣輸波，但由於同時間要參戰中北美洲冠軍盃，作戰狀態相對優勝，返到主場可以睇好。
紐倫堡有心無力
美職FC多倫多唔似有突破，德甲飽受降班威脅紐倫堡亦都翻身無望，佢歇冬後未曾一勝之餘，作客更加連輸五場，雖然鬥志上毋庸置疑，但恐怕就有心無力，近況不俗法蘭克福有望爭取四連勝。（開賽時間：周六晚9:30）
波爾多作客兩連敗
最後睇好係法甲主場出戰雷恩，佢周二凌晨作客擊敗摩納哥之後，已經躍升至第五位，直指來屆歐協盃參賽資格，對手波爾多雖然都要力保次席，爭取來屆歐聯入場券，不過近期作客認真麻麻，兩連敗之餘仲失七球，造訪主場三連勝雷恩注定冇運行。（now826台及無收費電視26台周六晚11:10直播）
讓球過關 3x1
法蘭克福 Vs 紐倫堡
（主客和） 主勝1.90倍
雷恩 Vs 波爾多
（讓球：雷讓平半） 上盤2.08倍
華盛頓聯隊 Vs FC多倫多
（主客和） 主勝1.40倍
全中約5.5倍